يا الغايب اللي‮ ‬غابت سنيني‮ ‬معاك

يا الغايب اللي غابت سنيني معاك
يا جعل ما جاني من الفرقا يجيك
استغفر الله !! جعل ماجاني فداك
حتى لو ان نهايتي .. على يدييك!
مسامحك .. واللي بقوله في قفاك
خيرك كثير .. ويرحم الله والديك
ماصار شي إبلا رضاي إلا رضاك
اللي ماهو فيني وابيه ألقاه فيك!
كنت السما في عيني وعيني سماك
كانت حياتي كلها منك واليك
كنت بيديني مير مدري من خذاك
حسبي على تقصيري وحسبي عليك
علمتني.. وش الحياة من الهلاك
في موادعك هذا وفي جيّتك ذيك
ياكيف ابلقى شخص يسواني سواك
كل مانويت أنهيك في شخص ابتديك!
أبدى أقارن مستواه بمستواك
وأخاف لاتزعل وأبيعه وأشتريك
والمشكلة : رغم محبتك وغلاك
واني رغم كل شيّ مشتاق وأبيك
ما هوب من حقي يضايقني جفاك
ولا أعشقك ولا المحــــــــــــــك ولا احـــــــــــتريــــــــــــــــــك !!
لكن ما يخفاني ولا اظن يخفاك
حقي عليك .. انّك تطمنّي عليك!!